Како да видите повеќе птици
Ако се уште немаш видено штрк, ластовичка, пиштарка, кукавица ниту пчеларка еве неколку совети за гледање повеќе птици:
1. Најлесно е да се гледаат птици од дома! Ако обезбедиш храна и засолниште за птици а во летни услови особено ако обезбедите вода тие сами ќе дојдат кај тебе.
2. Посвети повеќе време на набљудување. Колку повеќе време посветиш само на птиците толку повеќе и ќе видиш. Некои птици се чести и лесно се забележуваат а некои се многу срамежливи и потребни се „детективски“ напори за да се видат. Затоа ако сакаш да бидеш детектив и да видиш ретки и срамежливи птици биди трпелив и фокусиран. Искористи ја секоја прилика да дојдеш на настан организиран од Македонското Еколошко Друштво!
3. Посети некои од убавите места низ Македонија – национални паркови, излетнички места без многу посетители, планини, реки или езера – тие се одлични живеалишта за различни видови птици.
За видовите од нашата кампања:
- Покрај реките со песочни брегови најлесно ќе најдеш пчеларки,
- штрковите сакаат височинки за гнездење и водени површини за ловење,
- ластовичките повеќе сакаат селски услови отколку градски, за разлика од
- пишарките кои уживаат во градовите
- кукавиците се особено тешки за пронаоѓање но наслушнувајте околу пошумените места и сигурно ќе и го препознаете гласот.
