Թռչունների օղակավորումը դա փոքր մետաղական օղակի ամրացումն է թռչնի ոտքին, առավել շատ տեղեկություններ ստանալու համար նրանց կենսակերպի, տեղաշարժումների, կյանքի ցիկլի և հատկապես միգրացիայի մասին: Օղակավորված թռչուններից ստացված տեղեկությունները (սատկած կամ նորից բռնված անհատներից) օգնում է մեզ ստանալ առանձին թռչնի կյանքի պատկերը տարբեր տեսանկյուններից և, մյուս տվյալների հետ համատեղելով, թույլ է տալիս մեզ ենթադրություններ անել թռչնատեսակի ընդհանուր կենսակերպի մասին: Օղակավորումը կարող է օգնել մեզ հասկանալ, թե քանի՞ տարի են ապրում թռչունները, որտե՞ղ են ձմեռում, ի՞նչ արագությամբ են միգրացիա կատարում և շատ այլ կարևոր տեղեկություններ անհրաժեշտ կենսաբաններին և բնապահպաններին:
