Like most websites we use cookies. If you're happy with that, just carry on as normal - otherwise to find out more click here.
 
 
 
Галоўная   ›   Белы бусел
Друкаваць
Даслаць сябру

Белы бусел

Ці можаце Вы сабе ўявіць, што ёсць птушка, якая праводзіць амаль палову свайго жыцця, стоячы на адной доўгай і чырвонай назе на сваім гняздзе? А можа недалёка ад Вас ёсць падобнае гняздо – збудаванае на даху або дрэве? Гэтая птушка называецца белы бусел. Шмат народаў у Еўропе маюць павер’е, што гняздо белага бусла, збудаванае недалёка ад жылля чалавека прыносіць уладальнікам гэтага жытла шчасце.
Белы бусел – гэта вялікая і высокая птушка, з доўгай шыяй і чырвонага колеру доўгімі прамымі нагамі і завостранай на канцы дзюбай. Белае пер’е галавы, шыі і цела кантрастуе з чорнымі пер’ямі крылаў, якія ў сонечным святле адсвечваюць зялёным і пурпуровым. Невялікі кавалак голай скуры чорнага колеру на галаве знаходзіцца вакол карычневага вока. Самка і самец вельмі падобныя, і адрозніць іх можна толькі па трошкі большым памерам самца. Птушаняты маюць дзюбу шэрага колеру і тусклыя чырвоныя ногі. Яны таксама маюць апярэнне з шараватым адценнем – у адрозненне ад сваіх снежна-белых бацькоў.
Вельмі лёгка адрозніць і голас буслоў – своеасаблівае гучнае клацанне дзюбай, падобнае на стук двух драўляных палак.
Лягчэй за ўсё можна ўбачыць була на яго гняздзе, але не цяжка заўважыць гэтых птушак, калі яны палююць на вільготных лугах або на свежаскошаных палетках на грызуноў, земляных чарвякоў, лічынак насякомых, яшчарак і амфібій.
Гнёзды белых буслоў маюць вялікія памеры і звычайна збудаваны на высокіх апорах, якія дазваляюць не толькі добры падлёт да гнязда, але агляд наваколля.
У Еўропе буслы з’яўляюцца ўжо з сакавіку, а адлятаюць на зімоўку да канца жніўня.
Еўрапейскія белыя буслы будуюць свае гнёзды на пабудовах чалавека з Сярэднявечча. Гнёзды можна знайсці на дахах дамоў і гаспадарчых пабудоў, трубах комінаў, воданапорных вежах, слупах электра- і тэлефоннай сувязі, мурах і спецыяльна збудаваных для буслоў пляцоўках. Звычайна буслы кожны год вяртаюцца гнездаваць на тое самае месца, або недалёка ад яго. Такім чынам, некаторыя месцы выкарыстоўваюцца птушкамі на працягу сотняў гадоў! Маладыя птушкі стараюцца вярнуцца і загнездаваць як мага бліжэй да месцаў, дзе яны вылупіліся.
На жаль, буслы сустракаюцца не ва ўсіх еўрапейскіх краінах. На працягу апошняга стагоддзя іх колькасць знізілася. Прычына гэтага, напэўна, камбінацыя зменаў клімату і асушванне вільготных тэрыторый. Вы можаце дапамагчы белым буслам. Як гэта зрабіць, глядзіце, калі ласка, ў раздзеле “Дапамажы птушкам”.

У дадзены момант, нямецкая прыродаахоўная арганізацыя NABU адсочвае шлях 6-ці буслоў. Далучайцеся да назіранняў !:) ==>
http://www.nabu.de/aktionenundprojekte/weissstorchbesenderung/reisetagebuecher/#tagebuch
Сайт на нямецкай мове, але мапа, вядома, будзе зразумела ўсім;)